Also thei beleeven and speken gladly of the Virgine Marie and of the Incarnacioun. And thei seyn, that Marye was taughte of the angel; and that Gabrielle seyde to hire, that sche was forchosen from the begynnynge of the world; and that he schewed to hire the incarnacioun of Jesu Crist; and that sche conceyved and bare child, mayden: and that wytnessethe here boke.
And than he leet clepe in alle the lordes, that he made voyden first out of his chambre; and there he schewed me 4, that weren grete lordes in the contree, that tolden me of my contree, and of many othere Cristene contrees, als wel as thei had ben of the same contree: and thei spak Frensche righte wel; and the Sowdan also, where of I had gret marvaylle.
There made the peple of Ebron sacrifice to oure Lord: and ther thei yolden up here avowes: and there spak God first to Samuelle, and schewed him the mutacioun of ordre of presthode, and the misterie of the sacrement. And right nyghe, on the left syde, is Gabaon and Rama and Beniamyn; of the whiche holy writt spekethe offe.
And they seyn also, that Jesu Crist spak als sone as he was born; and that he was an holy prophete and a trewe, in woord and dede, and meke and pytous and rightefulle and with outen ony vyce. And thei seyn also, that whan the angel schewed the Incarnacioun of Crist unto Marie, sche was zong, and had gret drede.
And at morwe, whan he fond the heremyte ded, he was fulle sory and wrothe, and wolde have don his men to dethe: but they alle with on accord seyd, that he him self had slayn him, when he was dronken, and schewed him his swerd alle blody: and he trowed, that thei hadden seyd sothe. And than he cursed the wyn, and alle tho that drynken it.
For the admyralle and alle othere lordes, that thei ben schewed to, before or thei resceyve hem, thei knelen doun, and than thei take hem, and putten hem on here hedes, and aftre thei kissen hem, and than thei reden hem, knelynge with gret reverence, and than thei offren hem to do alle, that the berere askethe.
But the fynger, that schewed oure Lord, seyenge, Ecce Agnus Dei; that is to seyne, Lo the Lamb of God: that nolde nevere brenne, but is alle hol: that fynger leet seynte Tecle the holy virgyne be born in to the hill of Sebast; and there maken men gret feste. In that place was wont to ben a faire chirche; and many othere there weren; but thei ben alle beten doun.
And fro that chirche, is a myle to the castelle of Emaux; and there also oure Lord schewed him to 2 of his disciples, aftre His resurrexion.
This Cham was he that saughe his fadres prevy membres naked, whan he slepte, and scorned hem and schewed hem with his finger, to his brethren, in scornynge wise: and ther fore he was cursed of God. And Japhethe turned his face away, and covered hem.
And the Chane dide so. And anon the see, that touched and was fast to the mount, began to withdrawe him, and schewed fair weye of 9 fote brede large; and so he passed with his folk, and wan the lond of Cathay, that is the grettest kyngdom of the world. And for the 9 knelynges, and for the 9 fote of weye, the Chane and alle the men of Tartarye han the nombre of 9 in gret reverence.