United States or Yemen ? Vote for the TOP Country of the Week !
And thys ys the beest cytee of the kyngdom of Surrye. And from Antyoche, men moten so forth goon un to the cytee of Lacuthe; and thanne un to Geble; and thanne un tyl Tourtous: and thare by ys the lande of Cambre, whare that ys a stronge castelle, that men clepen Maubeke. And from Tourtouse men goon up to Thryple, uppon the see.
And fro thens may men go to Damask, in 3 dayes, be the kyngdom of Traconye; the whiche kyngdom lastethe fro mount Heremon to the see of Galilee, or to the see of Tyberie, or to the see of Jenazarethe; and alle is o see, and this the stank that I have told zou; but it chaungethe thus the name, for the names of the cytees that sytten besyde hem.
And aboute Jerusalem is the kyngdom of Surrye: and there besyde is the lond of Palestyne: and besyde it is Ascolone: and besyde that is the lond of Maritaine.
But in the reme of Syrie, is the kyngdom of Judee, and many other provynces, as Palestyne, Galilee, litylle Cilicye, and many othere.
But Jerusalem is in the lond of Judee; and it is clept Jude, for that Judas Machabeus was kyng of that contree; and it marchethe estward to the kyngdom of Arabye; on the southe syde, to the lond of Egipt; and on the west syde, to the grete see; on the north syde, towarde the kyngdom of Surrye, and to the See of Cypre.
And whan a man comethe out of that desert, he entrethe in to Egypt, that men clepen Egypt Canopac: and aftre other langage, men clepen it Morsyn. And there first men fynden a gode toun, that is clept Belethe; and it is at the ende of the kyngdom of Halappee. And from thens men gon to Babyloyne and to Cayre.
For he holdeth the kyngdom of Hungarie, Solavonye and of Comanye a gret part, and of Bulgarie, that men clepen the lond of Bougiers, and of the Reme of Roussye a gret partie, whereof he hathe made a Duchee, that lasteth unto the lond of Nyflan, and marchethe to Pruysse.
And whan he felle in poverte, he was 78 zeer of age. And aftre, whan God had preved his pacyence, and that it was so gret, he broughte him azen to richesse, and to hiere estate than he was before. And aftre that he was kyng of Ydumye, aftre Kyng Esau. And whan he was kyng, he was clept Jobab. And in that kyngdom, he lyvede aftre 170 zere: and so he was of age, whan he dyede, 248 zeer.
And it passethe be a lake, that is clept Maron; and aftre it passethe by the See of Tyberye, and passethe undre the hilles of Gelboe: and there is a full faire vale, bothe on that o syde and on that other of the same ryvere. And men gon the hilles of Lyban, alle in lengthe, onto the desert of Pharan. And tho hilles departen the kyngdom of Surrye and the contree of Phenesie.
For thei han had often tyme werre betwene hem, be cause that the grete cane wolde constreynen him to holden his lond of him: but that other at alle tymes defendethe him wel azenst him. Aftre that yle, in goynge be see, men fynden another yle, gode and gret, that men clepen Pathen, that is a gret kyngdom, fulle of faire cytees and fulle of townes.
Word Of The Day