United States or Argentina ? Vote for the TOP Country of the Week !
And fro thens may men go to Damask, in 3 dayes, be the kyngdom of Traconye; the whiche kyngdom lastethe fro mount Heremon to the see of Galilee, or to the see of Tyberie, or to the see of Jenazarethe; and alle is o see, and this the stank that I have told zou; but it chaungethe thus the name, for the names of the cytees that sytten besyde hem.
The cytee it not fulle gret, but it hathe gode bathes with in him. And there; as the Flom Jordan partethe fro the see of Galilee, is a gret brigge, where men passen from the lond of promyssioun, to the lond of Baazan and the lond of Gerrasentz, that ben about the Flom Jordan, and the begynnynge of the see of Tyberie.
In that see rowed oure Lord often tyme; and there he called to him, seynt Peter, seynt Andrew, seynt James and seynt John, the sones of Zebedee. In that cytee of Tyberie, is the table, upon the whiche oure Lord eete upon, with his disciples, aftre his resurrexioun; and thei knewen him in brekynge of bred, as the gospelle seythe; Et cognoverunt cum in fractione Panis.
And nyghe that cytee of Tyberie, is the hille, where oure Lord fedde 5 thousand persones, with 5 barly loves and 2 fisshes. In that cytee, a man cast an brennynge dart in wratthe aftir oure Lord, and the hed smot in to the eerthe, and wax grene, and it growed to a gret tree; and zit it growethe, and the bark there of is alle lyk coles.
Word Of The Day