United States or Latvia ? Vote for the TOP Country of the Week !
And fro thens may men go to Damask, in 3 dayes, be the kyngdom of Traconye; the whiche kyngdom lastethe fro mount Heremon to the see of Galilee, or to the see of Tyberie, or to the see of Jenazarethe; and alle is o see, and this the stank that I have told zou; but it chaungethe thus the name, for the names of the cytees that sytten besyde hem.
And the kyngdom of Mede and of Persye, ben betwene the ryveres of Nile and of Tigres. And the kyngdom of Syrie, where of I have spoken beforn, and Palestyne and Phenycie, ben betwene Eufrates and the See Medyterrane: the whiche see durethe in lengthe, fro Mayrok, upon the See of Spayne, unto the grete See; so that it lastethe bezonde Costantynople 3040 myles of Lombardye.
That dede See departethe the lond of Ynde and of Arabye; and that see lastethe from Soara unto Arabye. The watre of that see is fulle bytter and salt: and ziff the erthe were made moyst and weet with that watre, it wolde nevere bere fruyt. And the erthe and the lond chaungeth often his colour.
And after that, men comen out of Surrye, and entren in to wyldernesse, and there the weye is sondy. And that wyldernesse and desert lastethe 8 journeyes. But alleweyes men fynden gode innes, and alle that hem nedethe of vytaylle; And men clepen that wyldernesse Achelleke.
And in that see was Pharao drowned and alle his hoost, that he ladde. That see is not more reed than another see; but in some place thereof is the gravelle reede: and therfore men clepen it the Rede See. That see reunethe to the endes of Arabye and of Palestyne. That see lastethe more than 4 journeyes. And then gon men be desert unto the Vale of Elyn: and fro thens to the Mount of Synay.
Word Of The Day