United States or Ukraine ? Vote for the TOP Country of the Week !
In this contree is the cytee of Araym, where Abrahames fadree duelled, and from whens Abraham departed, be commandement of the aungelle. And of that cytee was Effraym, that was a gret clerk and a gret doctour. And Theophylus was of that cytee also, that oure ladye savede from oure enemye. And Mesopotame durethe fro the ryvere of Eufrates, unto the ryvere of Tygris. For it is betwene tho 2 ryveres.
In that contree, wommen that ben unmaryed, thei han tokenes on hire hedes, lyche coronales, to ben knowen for unmaryed. Also in that contree, ther ben bestes, taughte of men to gon in to watres, in to ryveres and in to depe stankes, for to take fysche; the whiche best is but lytille, and men clepen hem loyres.
For he departed that ryvere in 360 smale ryveres: because that he had sworn, that he scholde putte the ryvere in suche poynt, that a woman myghte wel passe there, withouten castynge of of hire clothes; for als moche as he hadde lost many worthi men, that trowden to passen that ryvere by swymmynge.
This ryvere of Danubee is a fulle gret ryvere; and it gothe into Almayne, undre the hilles of Lombardye: and it receiveth into him 40 othere ryveres; and it rennethe thorghe Hungarie and thorghe Greece and thorghe Traachie, and it entreth into the see, toward the est, so rudely and so scharply, that the watre of the see is fressche and holdethe his swetnesse 20 myle within the see.
There duellen many Cristene men, undir tribute of Sarrazines. And fro that cytee, men passen be many townes and castelles, in goynge toward Ynde, unto the cytee of Sadonye, that is a 10 journeyes fro Thauriso; and it is a fulle noble cytee and a gret. And there duellethe the Emperour of Persie, in somer: for the contree is cold y now. And there ben gode ryveres, berynge schippes.
Of the Londes of Albanye, and of Libye. Of the Wisshinges, for Wacchinge of the Sperhauk; and of Noes Schippe. For in tho contrees bezonden, ben many dyverse contrees, and many grete kyngdomes; that ben departed be the 4 flodes, that comen from Paradys terrestre. For Mesopotayme and the Kyngdom of Caldee and Arabye, ben betwene the 2 ryveres of Tygre and of Eufrates.
In that contree and in Ethiope and in many other contrees, the folk lyggen alle naked in ryveres and watres, men and wommen to gedre, fro undurne of the day, tille it be passed the noon. And thei lyen alle in the watre, saf the visage, for the gret hete that there is. And the wommen haven no schame of the men; but lyen alle to gidre, syde to syde, tille the hete be past.
And also whan it waxethe lytylle, it is dere tyme in that contree: for defaute of moysture. And whan the sonne is in the signe of Virgo, thanne begynnethe the ryvere for to wane and to decrece lytyl and lytylle; so that whan the sonne is entred into the signe of Libra, thanne thei entren betwene theise ryveres.
And zif a man aske hem, what paradys thei menen; thei seyn, to paradys, that is a place of delytes, where men schulle fynde alle maner of frutes, in alle cesouns, and ryveres rennynge of mylk and hony, and of wyn, and of swete watre; and that thei schulle have faire houses and noble, every man aftre his dissert, made of precyous stones, and of gold, and of sylver; and that every man schalle have 80 wyfes, alle maydenes; and he schalle have ado every day with hem, and zit he schalle fynden hem alle weys maydenes.
In Ethiope alle the ryveres and alle the watres ben trouble, and thei ben somdelle salte, for the gret hete that is there. And the folk of that contree ben lyghtly dronken, and han but litille appetyt to mete: and thei han comounly the flux of the wombe: and thei lyven not longe. In Ethiope ben manye dyverse folk: and Ethiope is clept Cusis.
Word Of The Day