United States or New Caledonia ? Vote for the TOP Country of the Week !
And therfere ther ben Sarazines, that ben clept Ismaelytenes; and summe Agaryenes, of Agar: and the othere propurly ben clept, Sarrazines, of Sarra: and summe ben clept Moabytes, and summe Amonytes; fro the 2 sones of Lothe, Moab and Amon, that he begat on his doughtres, that weren aftirward grete erthely princes.
And nevere sithen, nouther the kyng of Ermoyne, ne the contree, weren never in pees, ne thei hadden never sithen plentee of godes; and thei han ben sithen alle weyes undre tribute of the Sarrazines. Also the sone of a pore man woke that hauke, and wisshed that he myghte cheve wel, and to ben happy to merchandise. And the lady graunted him.
And of the generacioun of Sem, ben comen the Sarrazines, And of the generacioun of Japhethe, is comen the peple of Israel. And thoughe that wee duellen in Europe, this is the opynyoun, that the Syryenes and the Samaritanes, han amonges hem; and that thei told me, before that I wente toward Ynde: but I fond it otherwise.
And therfore Sarrazines, that be devout, drynken nevere no wyn: but sume drynken it prevyly. For zif thei dronken it openly, thei scholde ben repreved. But thei drynken gode beverage and swete and norysshynge, that is made of galamelle: and that is that men maken sugar of, that is of righte gode savour: and it is gode for the breest.
And also of wylde bestes, as of olifauntz, tame and othere, babewynes, apes, marmesettes, and othere dyverse bestes; the mountance of 15 cumanez of zomen. And of Phisicyens Cristene, he hathe 200. And of leches, that ben Cristene, he hathe 210. And of leches and Phisicyens, that ben Sarrazines 20: but he trustethe more in the Cristene leches, than in the Sarrazines.
And thei usen alle berdes, as men of Grece don: and thei make the sacrament of therf bred: and in here langage, thei usen lettres of Sarrazines; but aftre the misterie of Holy chirche, thei usen lettres of Grece; and thei maken here confessioun, right as the Jacobytes don.
There duellen many Cristene men, undir tribute of Sarrazines. And fro that cytee, men passen be many townes and castelles, in goynge toward Ynde, unto the cytee of Sadonye, that is a 10 journeyes fro Thauriso; and it is a fulle noble cytee and a gret. And there duellethe the Emperour of Persie, in somer: for the contree is cold y now. And there ben gode ryveres, berynge schippes.
And the Sarrazines kepen that place fulle derely, for the profyte that thei han there offe: and thei ben fulle wykked Sarrazines and cruelle, and more dispytous than in ony other place, and han destroyed alle the chirches.
And Abraham hadde another sone Ysmael, that he gat upon Agar his chambrere. And when Ysaac his sone was 8 dayes olde, Abraham his fadre leet him ben circumcyded, and Ysmael with him, that was 14 zeer old: wherfore the Jewes, that comen of Ysaacces lyne, ben circumcyded the 8 day; and the Sarrazines, that comen of Ysmaeles lyne, ben circumcyded whan thei ben 14 zeer of age.
And aftre on theise Comaynz regned, that highte Cachas, and sloughe Tympieman, for to be Soudan: and made him ben cleped Melechemes. And aftre, another that hadde to name Bendochdare, that sloughe Melechemes, for to be Soudan; and cleped himself Melechdare. In his tyme entred the gode Kyng Edward of Englond in Syrye, and dide gret harm to the Sarrazines.
Word Of The Day