United States or Cocos Islands ? Vote for the TOP Country of the Week !
And alle be it that the collect of Seynte Kateryne seye, that it is the place where oure Lord betaughten the Ten Comandementes to Moyses, and there where the blessed virgyne Seynte Kateryne was buryed; that is to undrestonde, in o contree, or in o place berynge o name. For bothe that on and that othre is clept the Mount of Synay.
And thei ben alle so propurlyche made, that it semethe a verry vyne, berynge kyndely grapes. And before the emperoures table, stonden grete lordes, and riche barouns and othere, that serven the emperour at the mete.
In that lond ben many fairere wommen, than in ony other contree bezonde the see: and therfore men clepen that lond Albanye; because that the folk ben whyte. And the chief cytee of that contree is clept Latoryn; and it is a iourneye from the see: and it is moche more than Parys. In that cytee is a gret ryvere, berynge schippes, that gon to alle the costes in the see.
For thei ne knowe not the addiciouns, that many Popes han made; but thei synge with gode devocioun. And there nere, is the place where that oure Lord rested him, whan he was wery, for berynge of the Cros. And zee schulle undirstonde, that before the Chirche of the Sepulcre, is the cytee more feble than in ony othere partie, for the grete playn that is betwene the chirche and the cytee.
And in the gardyn of the grete palays, there is a gret hille, upon the whiche there is another palays; and it is the most fair and the most riche, that ony man may devyse. And all aboute the palays and the hille, ben many trees, berynge many dyverse frutes. And alle aboute that hille, ben dyches grete and depe: and besyde hem, ben grete vyneres, on that o part and on that other.
There duellen many Cristene men, undir tribute of Sarrazines. And fro that cytee, men passen be many townes and castelles, in goynge toward Ynde, unto the cytee of Sadonye, that is a 10 journeyes fro Thauriso; and it is a fulle noble cytee and a gret. And there duellethe the Emperour of Persie, in somer: for the contree is cold y now. And there ben gode ryveres, berynge schippes.
Word Of The Day