United States or New Zealand ? Vote for the TOP Country of the Week !
And he that lyveth 8 zeer, men holden him there righte passynge old. Theise men ben the beste worcheres of gold, sylver, cotoun, sylk, and of alle such thinges, of ony other, that be in the world. And thei han often tymes werre with the briddes of the contree, that thei taken and eten. This litylle folk nouther labouren in londes ne in vynes.
And whan that money hathe ronne so longe, that it begynnethe to waste, than men beren it to the emperoures tresorye: and than thei taken newe money for the olde. And that money gothe thorghe out alle the contree, and thorghe out alle his provynces. For there and bezonde hem, thei make no money, nouther of gold nor of sylver. And therfore he may despende y now, and outrageously.
He leet voyden out of his chambre alle manner of men, lordes aad othere: for he wolde speke with me in conseille. And there he asked me, how the Cristene men governed hem in oure contree. And I seyde him, righte wel: thonked be God. And he seyde me, treulyche, nay: for zee Cristene men ne recthen righte noghte how untrewly to serve God.
Also in Egypt ben gardyns, than han trees and herbes, the whiche beren frutes 7 tymes in the zeer. And in that lond men fynden many fayre emeraudes and y nowe. And therefore thei ben there grettere cheep. Also whan it reynethe ones in the somer, in the lond of Egipt, thanne is alle the contree fulle of grete myrs.
But thei of the contree seyn, that it is for to do reverence to here kyng, that is the most worthi kyng, that is in the world, as thei seyn; because that he fulfillethe the comandement, that God bad to Adam and Eve, whan God seyde, Crescite et multplicamini et replete terram.
From thens gon men to Samarye, that men clepen now Sebast; and that is the chief cytee of that contree: and it sytt betwene the hille of Aygnes, as Jerusalem dothe. In that cytee was the syttinges of the 12 tribes of Israel: but the cytee is not now so gret, as it was wont to be.
And before the chare, gon first in processioun alle the maydenes of the contree, 2 and 2 to gidere, fulle ordynatly. And aftre tho maydenes, gon the pilgrymes. And summe of hem falle doun undre the wheles of the chare, and lat the chare gon over hem; so that thei ben dede anon.
In that contree growen manye stronge vynes: and the wommen drynken wyn, and men not: and the wommen schaven hire berdes, and the men not. Of the Domes made be seynt Thomas. Of Devocyoun and Sacrifice made to Ydoles there, in the Cytee of Calamye; and of the processioun in goynge aboute the Cytee.
The folk of that contree han a dyvers lawe: for summe of hem, worschipe the sonne, summe the mone, summe the fuyr, summe trees, summe serpentes, or the first thing that thei meeten at morwen: and summe worschipen symulacres, and summe Ydoles. But betwene symulacres and ydoles, is a gret difference.
But in that contree, there is a cursed custom: for thei eten more gladly mannes flesche, than ony other flesche: and zit is that contree habundant of flesche, of fissche, of cornes, of gold and sylver, and of alle other godes.
Word Of The Day