Vietnam or Thailand ? Vote for the TOP Country of the Week !

And zif it so befall, that the fadre or modre or ony of here frendes ben seke, anon the son gothe to the prest of here law, and preyethe him to aske the ydole, zif his fadre or modre or frend schalle dye on that evylle or non. And than the prest and the sone gone to gydere before the ydole, and knelen fulle devoutly, and asken of the ydole here demande.

The cytee it not fulle gret, but it hathe gode bathes with in him. And there; as the Flom Jordan partethe fro the see of Galilee, is a gret brigge, where men passen from the lond of promyssioun, to the lond of Baazan and the lond of Gerrasentz, that ben about the Flom Jordan, and the begynnynge of the see of Tyberie.

There ben also in that contree a kynde of snayles, that ben so grete, that many persones may loggen hem in here schelles, as men wolde done in a litylle hous. And other snayles there ben, that ben fulle grete, but not so huge as the other.

And aftre thei maken to come in, other damyselles, bryngynge coupes of gold, fulle of mylk of dyverse bestes, and zeven drynke to lordes and to ladyes.

And in the myddes of the chirche is a tabernacle, as it were a lytylle hows, made with a low lytylle dore: and that tabernacle is made in manere of half a compass, righte curiousely and richely made, of gold and azure and othere riche coloures, fulle nobelyche made. And in the righte syde of that tabernacle is the sepulcre of oure Lord.

And thanne he wente prevylly, alle be nyghte, tille he cam to his folk, that weren fulle glad of his comynge, and maden grete thankynges to God immortalle, and to that bryd, be whom here lord was saved.

The firste thousand, that is of Dukes, of Erles, of Marquyses and of Amyralles, alle clothed in clothes of gold, with tysseux of grene silk, and bordured with gold, fulle of preciouse stones, in maner as I have seyd before.

And it was clept somtyme Tholomayde. And it was somtyme a cytee of Cristenemen, fulle fair; but it is now destroyed: and it stont upon the see. And fro Venyse to Akoun, be see, is 2080 myles of Lombardye. And fro Calabre or fro Cecyle to Akoun, be see, is 1300 myles of Lombardye. And the ile of Crete is right in the myd weye.

This ryvere of Danubee is a fulle gret ryvere; and it gothe into Almayne, undre the hilles of Lombardye: and it receiveth into him 40 othere ryveres; and it rennethe thorghe Hungarie and thorghe Greece and thorghe Traachie, and it entreth into the see, toward the est, so rudely and so scharply, that the watre of the see is fressche and holdethe his swetnesse 20 myle within the see.

And upon tho hilles growen trees of cedre, that ben fulle hye, and thei beren longe apples, and als grete as a mannes heved.

Word Of The Day


Others Looking