United States or Russia ? Vote for the TOP Country of the Week !
That contree is clept the Galilee of Folk, that weren taken to tribute of Sabulon, and of Neptalym. And in azen comynge fro that castelle, a 30 myle, is the cytee of Dan, that somtyme was clept Belynas, or Cesaire Philippon, that sytt at the foot of the Mount of Lyban, where the Flom Jordan begynnethe.
And undre that chirche, in goenge doun be 22 degrees, lythe Joachym, oure ladyes fader, in a faire tombe of ston: and there besyde, lay somtyme Seynt Anne his wyf; but Seynt Helyne leet translate hire to Costantynople. And in that chirche is a welle, in manere of a cisterne, that is clept Probatica Piscina, that hathe 5 entrees.
There was somtyme a gret cytee and a gode, of Crystene men: but Sarazins han destroyed it a gret partye; and thei kepe that havene right welle, for drede of Cristene men. Men myghte go more right to that havene, and come not in Cypre: but thei gon gladly to Cypre, to reste hem on the lond, or elles to bye thingis, that thei have nede to here lyvynge. On the see syde, men may fynde many rubyes.
And at the fote of this hille was somtyme a gode cytee of Cristene men, that men cleped Cayphas: For Cayphas first founded it: but it is now alle wasted. And on the lift syde of the hille Carmelyn is a town, that men clepen Saffre: and that is sett on another hille. There Seynt James and Seynt Johne were born: and in the worschipe of hem, there is a fair chirche.
And whan men gon bezonde tho iourneyes, toward Ynde and to the foreyn yles, alle is envyronynge the roundnesse of this erthe and of the see, undre oure contrees on this half. And therfore hathe it befallen many tymes of o thing, that I have herd cownted, whan I was zong; how a worthi man departed somtyme from oure contrees, for to go serche the world.
For a kyng of Fraunce boughte theise relikes somtyme of the Jewes; to whom the Emperour had leyde hem to wedde, for a gret summe of sylvre. And zif alle it be so, that men seyn, that this croune is of thornes, zee schulle undirstonde, that it was of jonkes of the see, that is to sey, rushes of the see, that prykken als scharpely as thornes.
And in this Templum Domini weren somtyme chanouns reguleres: and thei hadden an abbot, to whom thei weren obedient. And in this temple was Charlemayn, when that the aungelle broughte him the prepuce of oure Lord Jesu Crist, of his circumcisioun: and aftre Kyng Charles leet bryngen it to Parys, in to his chapelle: and aftre that to Chartres.
And with in the chirche of Seynt Sophie, an emperour somtyme wolde have biryed the body of his fadre, whan he was ded; and as thei maden the grave, thei founden a body in the erthe, and upon the body lay a fyn plate of gold; and there on was writen, in Ebreu, Grece and Latyn, lettres that seyden thus, Jesu Cristus nascetur de Virgine Maria, et ego credo in eum: That is to seyne, Jesu Crist schalle be born of the Virgyne Marie, and I trowe in hym.
And in the chirche, behynde the high awtere, in the walle, is a table of black wode, on the whiche somtyme was depeynted an ymage of oure Lady, that turnethe into flesche; but now the ymage schewethe but litille: but evermore thorewe the grace of God that table droppeth as hyt were of olyve.
And this Salutacioun was don in a place of a gret awteer of a faire chirche, that was wont to be somtyme: but it is now alle downe; and men han made a litylle resceyt, besyde a pylere of that chirche, for to resceyve the offrynges of Pilgrymes.
Word Of The Day