Vietnam or Thailand ? Vote for the TOP Country of the Week !

This ryvere comethe rennynge from Paradys terrestre, betwene the desertes of Ynde; and aftre it smytt unto londe, and rennethe longe tyme many grete contrees undre erthe: and aftre it gothe out undre an highe hille, that men clepen Alothe, that is betwene Ynde and Ethiope, the distance of five moneths journeyes fro the entree of Ethiope.

And zee schulle undirstonde, that with in the dede See rennethe the Flom Jordan, and there it dyethe; for it rennethe no furthermore: and that is a place, that is a myle fro the Chirche of seynt John the Baptist, toward the West, a lytille benethe the place, where that christene men bathen hem comounly.

This ryvere of Danubee is a fulle gret ryvere; and it gothe into Almayne, undre the hilles of Lombardye: and it receiveth into him 40 othere ryveres; and it rennethe thorghe Hungarie and thorghe Greece and thorghe Traachie, and it entreth into the see, toward the est, so rudely and so scharply, that the watre of the see is fressche and holdethe his swetnesse 20 myle within the see.

Fro Saffra, men gothe to the see of Galylee and to the cytee of Tyberye, that sytt upon the same see. And alle be it, that men clepen it a see, zit is it nouther see ne arm of the see: for it is but a stank of fresche watir, that is in lengthe 100 furlonges; and of brede 40 furlonges; and hathe with in him gret plentee of fissche, and rennethe in to Flom Jordan.

And in the northsyde of that temple with in the zate, there is a welle; but it rennethe noght; of the whiche Holy Writt spekethe, and seythe, Vidi aquam egredientem de Templo; that is to seyne, I saughe watre come out of the Temple.

And in that cytee ben mo than 12000 brigges: and upon every brigge, ben stronge toures and gode; in the whiche duellen the wardeynes, for to kepen the cytee fro the gret Cane. And on that o part of the cytee, rennethe a gret ryvere alle along the cytee. And there duellen Cristene men, and many marchauntes and other folk of dyverse natyouns: be cause that the lond is so gode and so plentifous.

And betwene the hille and this gardyn rennethe a lytille broke of watre, that was wont to ben byttre; but be the blessyng of Helisee the prophete, it becam swete and gode to drynke. And at the foot of this hille, toward the playn, is a grete welle, that entrethe in to flom Jordan. Fro that hille to Jerico, that I spak of before, is but a myle, in goynge toward flom Jordan.

This watre rennethe, flowynge and ebbynge, be a syde of the mountayne: and in that ryver men fynden precious stones and perles, gret plentee. And men of that yle seyn comounly, that the serpentes and the wilde bestes of that contree ne will not don non harm, ne touchen with evylle, no strange man, that entrethe into that contree, but only to men that ben born of the same contree.

And it castethe out of the watre a thing that men clepen aspalt; also gret peces, as the gretnesse of an hors, every day, and on alle sydes. And fro Jerusalem to that see, is 200 furlonges. That see is in lengthe 580 furlonges, and in brede 150 furlonges: and it is clept the dede see, for it rennethe nought. but is evere unmevable.

Word Of The Day


Others Looking