United States or Iraq ? Vote for the TOP Country of the Week !
From that cytee, men gon be watre, solacynge and disportynge hem, tille thei come to an abbey of monkes, that is faste bye, that ben gode religious men, after here feythe and lawe. In that abbeye is a gret gardyn and a fair, where ben many trees of dyverse manere of frutes: and in this gardyn, is a lytille hille, fulle of delectable trees.
And whan thei han eten, the monk smytethe eft sones on the gardyn zate with the clyket; and than anon alle the bestes retornen azen to here places, that thei come fro. And thei seyn, that theise bestes ben soules of worthi men, that resemblen in lyknesse of the bestes, that ben faire: and therfore thei zeve hem mete, for the love of God.
Nazarethe is als meche to seye, as flour of the gardyn: and be gode skylle may it ben clept flour; for there was norisscht the flour of lyf, that was Crist Jesu. And 2 myle fro Nazarethe, it the cytee of Sephor, be the weye, that gothe from Nazerethe to Acon.
And therfore hathe white thorn many vertues: for he that berethe a braunche on him thereoffe, no thondre ne no maner of tempest may dere him; ne in the hows, that it is inne, may non evylle gost entre ne come unto the place that it is inne. And in that same gardyn, Seynt Petre denyed our Lord thryes.
And every day, whan the covent of this abbeye hathe eten, the awmener let bere the releef to the gardyn, and he smytethe on the gardyn zate with a clyket of sylver, that he holdethe in his hond, and anon alle the bestes of the hille and of dyverse places of the gardyn, comen out, a 3000 or a 4000; and thei comen in gyse of pore men: and men zeven hem the releef, in faire vesselles of sylver, clene over gylt.
In that place, upon the hille, was wont to ben a faire chirche; but it is alle destroyed, so that there is now but an hermytage, that a maner of Cristene men holden, that ben cleped Georgyenes: for Seynt George converted hem. Upon that hille duelte Abraham a gret while: and therfore men clepen it, Abrahames gardyn.
In that hille and in that gardyn, ben many dyverse bestes, as of apes, marmozettes, babewynes, and many other dyverse bestes.
And zee schalle undirstonde, that oure Lord Jesu, in that nyghte that he was taken, he was y lad in to a gardyn; and there he was first examyned righte scharply; and there the Jewes scorned him, and maden him a crowne of the braunches of albespyne, that is white thorn, that grew in that same gardyn, and setten it on his heved, so faste and so sore, that the blood ran down be many places of his visage, and of his necke, and of his schuldres.
And in the gardyn of the grete palays, there is a gret hille, upon the whiche there is another palays; and it is the most fair and the most riche, that ony man may devyse. And all aboute the palays and the hille, ben many trees, berynge many dyverse frutes. And alle aboute that hille, ben dyches grete and depe: and besyde hem, ben grete vyneres, on that o part and on that other.
The seson priketh every gentil herte, And maketh him out of his sleep to sterte, And seith, 'Arise and do thin observance'. This maked Emelye have remembraunce To don honour to May, and for to rise. I-clothed was she fressh for to devise, Hir yelowe heer was broyded in a tresse, Behinde hir bak, a yerde long I gesse; And in the gardyn at the sunne upriste She walketh up and doun, and as hir liste
Word Of The Day