United States or Bangladesh ? Vote for the TOP Country of the Week !
At grete solempne festes, before the emperoures table, men bryngen grete tables of gold, and there on ben pecokes of gold, and many other maner of dyverse foules, alle of gold, and richely wrought and enameled; and men maken hem dauncen and syngen, clappynge here wenges to gydere, and maken gret noyse: and where it be by craft or be nygromancye, I wot nere; but it is a gode sight to beholde, and a fair; and it is gret marvayle how it may be.
For there schulle they fynde no wight that will selle hem ony vitaille or ony thing. And whan the spyes seen ony Cristene men comen upon hem, thei rennen to the townes, and cryen with a lowd voys, Kerra, Kerra, Kerra; and than anon thei armen hem and assemblen hem to gydere.
And zif it so befall, that the fadre or modre or ony of here frendes ben seke, anon the son gothe to the prest of here law, and preyethe him to aske the ydole, zif his fadre or modre or frend schalle dye on that evylle or non. And than the prest and the sone gone to gydere before the ydole, and knelen fulle devoutly, and asken of the ydole here demande.
Word Of The Day