United States or Senegal ? Vote for the TOP Country of the Week !
And there, where Seynt Kateryne was buryed, is nouther chirche ne chapelle, ne other duellynge place: but there is an heep of stones aboute the place, where the body of hire was put of the aungeles. There was wont to ben a chapelle: but it was casten downe, and zit lyggen the stones there.
And from that mountayne men passen a gret valeye, for to gon to another mountayne, where Seynt Kateryne was buryed of the aungeles of oure Lord. And in that valey is a chirche of 40 martyres; and there singen the monkes of the abbeye often tyme. And that valey is right cold. And aftre men gon up the mountayne of Seynt Kateryne, that is more highe then the mount of Moyses.
And alle be it that the collect of Seynte Kateryne seye, that it is the place where oure Lord betaughten the Ten Comandementes to Moyses, and there where the blessed virgyne Seynte Kateryne was buryed; that is to undrestonde, in o contree, or in o place berynge o name. For bothe that on and that othre is clept the Mount of Synay.
And fro Alizandre men gon to Babyloyne, where the Soudan dwellethe; that sytt also upon the ryvere of Nyle. And this wey is most schort, for to go streyghte unto Babiloyne. Now schall I seye zou also the weye, that gothe fro Babiloyne to the Mount of Synay, where Seynte Kateryne lythe.
There is the Chirche of Seynt Kateryne, in the whiche ben manye lampes brennynge. For thei han of oyle of olyves y now, bothe for to brenne in here lampes, and to ete also: and that plentee have thei be the myracle of God.
And there is the ston, that the aungelle broughte to oure Lady, fro the Mount of Synay; and it is of that colour, that the roche is of Seynt Kateryne. And there besyde, is the zate, where thorghe oure Ladye wente, whan sche was with childe, whan sche wente to Betheleem.
And aftre fro Cipre men gon be see, and leven Jerusalem and alle the contree on the left hond, onto Egypt, and arryven at the cytee of Damyete, that was wont to be fulle strong, and it sytt at the entree of Egypt. And fro Damyete gon men to the cytee of Alizandre, that sytt also upon the see. In that cytee was seynte Kateryne beheded. And there was seynt Mark the Evangelist martyred and buryed.
And aftre that thei schewen the heed of Seynte Kateryne, and the clothe that sche was wrapped inne, that is zit alle blody. And in that same clothe so y wrapped, the aungeles beren hire body to the Mount Synay, and there thei buryed hire with it. And thanne thei schewen the bussche, that brenned and wasted nought, in the whiche oure Lord spak to Moyses, and othere relikes y nowe.
Word Of The Day