Vietnam or Thailand ? Vote for the TOP Country of the Week !

And summe seyn, be here prophecyes, that a Lord, a prynce of the west syde of the world shalle wynnen the lond of promyssioun, that is the Holy Lond, withe helpe of Cristene men; and he schalle do synge a masse undir that drye tree, and than the tree schalle wexen grene and bere bothe fruyt and leves. And thorghe that myracle manye Sarazines and Jewes schulle be turned to Cristene feythe.

And that was the 4 day aftre that thei hadden seyn the sterre, whan they metten in that cytee: and thus thei weren in 9 dayes, fro that cytee at Betheleem; and that was gret myracle. Also undre the cloystre of the chirche, be 18 degrees, at the righte syde, is the charnelle of the innocentes, where here bones lyzn.

And thorghe that Flom passeden the children of Israel, alle drye feet: and thei putten stones there in the myddel place, in tokene of the myracle, that the watre withdrowghe him so. Abouten the Flom Jordan ben manye chirches, where that manye cristene men dwelleden. And nyghe therto is the cytee of Hay, that Josue assayled and toke.

And than the brid fenix comethe, and brennethe him self to ashes. And the first day next aftre, men fynden in the ashes a worm; and the secunde day next aftre, men fynden a brid quyk and perfyt; and the thridde day next aftre, he fleethe his wey. And so there is no mo briddes of that kynde in alle the world, but it allone. And treuly that is a gret myracle of God.

Also fro Bethanye to Jerico, was somtyme a litylle Cytee: but it is now alle destroyed; and now is there but a litylle village. That cytee tok Josue, be myracle of God and commandement of the aungel, and destroyed it and cursed it, and alle hem that bylled it azen.

And undirstonde zee, that that Babyloyne that I have spoken offe, where that the Soudan duellethe, is not that gret Babyloyne, where the dyversitee of langages was first made for vengeance, by the myracle of God, when the grete tour of Babel was begonnen to ben made; of the whiche the walles weren 64 furlonges of heighte; that is in the grete desertes of Arabye, upon the weye as men gon toward the kyngdom of Caldee.

Theise 3 kynges offreden to oure Lord, gold, ensence and myrre: and thei metten to gedre, thorghe myracle of God; for thei metten to gedre in a cytee in Ynde, that Men clepen Cassak, that is 53 journeyes fro Betheleem; and thei weren at Betheleem the 13 day.

And also, the cane of Galilee is 4 myle fro Nazarethe: of that cytee was Simon Chananeus, and his wif Canee; of the whiche the holy evaungelist spekethe off: there dide oure Lord the first myracle at the wedyng, whan he turned water in to wyn. And in the ende of Galilee, at the hilles, was the arke of God taken; and on that other syde is the Mownt Hender or Hermon.

And in that roche is prented the forme of his body; for he smot so strongly and so harde him self in that roche, that alle his body was dolven with inne, thorghe the myracle of God. And there besyde is the place where oure Lorde toke to Moyses the 10 commandementes of the lawe. And there is the cave undre the roche, where Moyses duelte, whan he fasted 40 dayes and 40 nyghtes.

In that abbeye ne entrethe not no flye ne todes ne ewtes, ne suche foule venymouse bestes, ne lyzs ne flees, be the myracle of God and of oure lady. For there were wont to ben many suche manere of filthes, that the monkes werein in wille to leve the place and the Abbeye, and weren gon fro thens, upon the mountayne aboven, for to eschewe that place.

Word Of The Day


Others Looking