Vietnam or Thailand ? Vote for the TOP Country of the Week !

But whoso wil go to Babyloyne be another weye, more schort from the contrees of the west, that I have reherced before; or from other contrees next fro hem; than men gon by Fraunce, be Burgoyne and be Lombardye. It nedethe not to telle zou the names of the cytees, ne of the townes that ben in that Weye: for the weye is comoun, and it is knowen of many naciouns.

And from Babyloyne, where the Soudan dwellethe, to go right betwene the oryent and the Septemtryon, toward the grete Babyloyne, is 40 journeys to passen be desart. But it is not the grete Babiloyne, in the lond and in the powere of the seyd Soudan; but it is in the power and the lordschipe of Persye.

At Babyloyne there is a faire chirche of oure lady, where sche dwelled 7 zeer, whan sche fleyghe out of the lond of Judee, for drede of Kyng Heroude. And there lythe the body of Seynt Barbre the Virgine and Martyr. And there duelled Josephe whan he was sold of his bretheren.

And of his sone Chuse, was engendred Nembrothe the geaunt, that was the firste kyng, that ever was in the world: and he began the foundacion of the Tour of Babyloyne.

And whan a man comethe out of that desert, he entrethe in to Egypt, that men clepen Egypt Canopac: and aftre other langage, men clepen it Morsyn. And there first men fynden a gode toun, that is clept Belethe; and it is at the ende of the kyngdom of Halappee. And from thens men gon to Babyloyne and to Cayre.

And it is fro Babyloyne the lesse, where the Soudan duellethe, onto Methon aboveseyd, in to a 32 journeyes. And wytethe wel, that the rewme of Arabye is a fulle gret contree: but there in is over moche dysert. And no man may dwelle there in that desert, for defaute of watre. For that lond is alle gravelly and fulle of sond.

And fro Alizandre men gon to Babyloyne, where the Soudan dwellethe; that sytt also upon the ryvere of Nyle. And this wey is most schort, for to go streyghte unto Babiloyne. Now schall I seye zou also the weye, that gothe fro Babiloyne to the Mount of Synay, where Seynte Kateryne lythe.

In Chorosaym schalle Antecrist be born, as sum men seyn; and other men seyn, he schalle be born in Babyloyne: for the prophete seyth; De Babilonia Coluber exiet, qui totum mundum devorabit; that is to seyne, Out of Babiloyne schal come a worm, that schal devouren alle the world.

And undirstonde zee, that that Babyloyne that I have spoken offe, where that the Soudan duellethe, is not that gret Babyloyne, where the dyversitee of langages was first made for vengeance, by the myracle of God, when the grete tour of Babel was begonnen to ben made; of the whiche the walles weren 64 furlonges of heighte; that is in the grete desertes of Arabye, upon the weye as men gon toward the kyngdom of Caldee.

Word Of The Day


Others Looking