United States or United Arab Emirates ? Vote for the TOP Country of the Week !
And of theise snayles, and of gret white wormes, that han blake hedes, that ben als grete as a mannes thighe, and somme lesse, as grete wormes that men fynden there in wodes, men maken vyaunde rialle, for the kyng and for other grete lordes. And zif a man, that is maryed, dye in that contree, men buryen his wif with him all quyk.
Also this book spekethe of Jewes; and seythe, that thei ben cursed; for thei wolde not beleven, that Jesu Crist was comen of God; and that thei lyeden falsely on Marie and on hire sone Jesu Crist, seyenge that thei hadden crucyfyed Jesu the sone of Marie: for he was nevere crucyfyed, as thei seyn; but that God made him to stye up to him with outen dethe, and with outen anoye: but he transfigured his lyknesse into Judas Scariothe, and him crucyfyden the Jewes, and wenden that it had ben Jesus: but Jesus steyge to hevenes alle quyk; and therfore thei seyn, that the Cristene men erren and han no gode knowleche of this, and that thei beleeven folyly and falsly, that Jesu Crist was crucyfyed.
And than the brid fenix comethe, and brennethe him self to ashes. And the first day next aftre, men fynden in the ashes a worm; and the secunde day next aftre, men fynden a brid quyk and perfyt; and the thridde day next aftre, he fleethe his wey. And so there is no mo briddes of that kynde in alle the world, but it allone. And treuly that is a gret myracle of God.