United States or Gambia ? Vote for the TOP Country of the Week !
There is a gode cytee, amonges othere, where there is duellynge gret plentee of tho lytylle folk: and it is a gret cytee and a faire, and the men ben grete, that duellen amonges hem: but whan thei geten ony children, thei ben als litylle as the pygmeyes: and therfore thei ben alle, for the moste part, alle pygmeyes; for the nature of the lond is suche.
And there, where Seynt Kateryne was buryed, is nouther chirche ne chapelle, ne other duellynge place: but there is an heep of stones aboute the place, where the body of hire was put of the aungeles. There was wont to ben a chapelle: but it was casten downe, and zit lyggen the stones there.
And though it be clept the tour of Babiloyne, zit natheles there were ordeyned with inne many mansiouns and many gret duellynge places, in lengthe and brede: and that tour conteyned gret contree in circuyt: for the tour allone conteyned 10 myle sqware. That tour founded Kyng Nembrothe, that was kyng of that contree: and he was firste kyng of the world.
Word Of The Day