United States or Micronesia ? Vote for the TOP Country of the Week !


And besyde that cytee, the men of Tartarye han let make another cytee, that is clept Caydon; and it hathe 12 zates: and betwene the two zates, there is alle weyes a gret myle; so that the 2 cytees, that is to seyne, the olde and the newe, han in circuyt more than 20 myle. De pallatio Imperatoris Grand Can.

And though it be clept the tour of Babiloyne, zit natheles there were ordeyned with inne many mansiouns and many gret duellynge places, in lengthe and brede: and that tour conteyned gret contree in circuyt: for the tour allone conteyned 10 myle sqware. That tour founded Kyng Nembrothe, that was kyng of that contree: and he was firste kyng of the world.

In this cytee is the Sege of the grete Cane in a fulle gret palays, and the most passynge fair in alle the world: of the whiche the walles ben in circuyt more than 2 myle: and within the walles, it is alle fulle of other palays.

But fast besyde that yle, for to passe be see, is a gret yle a gret contree, that men clepen Java: and it is nyghe 2000 myle in circuyt. And the kyng of that contree is a fulle gret lord and a ryche and a myghty, and hathe undre him 7 other kynges of 7 other yles abouten hym. This yle is fulle wel inhabyted, and fulle wel manned.