United States or Vietnam ? Vote for the TOP Country of the Week !
In that contree and othere there abouten, there ben wylde gees, that han 2 hedes: and there ben lyouns alle white, and als grete as oxen, and many other dyverse bestes, and foules also, that be not seyn amonges us.
In that cytee of Damasce, ther is gret plentee of welles: and with in the cytee and with oute, ben many fayre gardynes, and of dyverse frutes. Non other citee is not lyche in comparisoun to it of faire gardynes, and of faire desportes. The cytee is gret and fulle of peple, and wel walled with double walles. And there ben manye phisicyens.
For that contree hathe ben in the hondes of alle nacyouns: that is to seyne, of Jewes, of Chananees, Assiryenes, Perses, Medoynes, Macedoynes, of Grekes, Romaynes, of Cristene men, of Sarazines, Barbaryenes, Turkes, Tartaryenes, and of manye othere dyverse nacyouns. For God wole not, that it be longe in the hondes of trytoures ne of synneres, be thei Cristene or othere.
For thei holden hem self most noble and most worthi of alle the world. And thei han werre alle weys with the folk that gon alle naked. And faste besyde is another yle, that is clept Betemga, that is a gode yle and a plentyfous. And many other yles ben there about; where ther ben many of dyverse folk: of the whiche it were to longe to speke of alle.
And at another hour, seithe another philosophre, Puttethe zoure honde upon zoure hede. And aftre that, he byddethe hem to don here hond a wey; and thei don so. And so from hour to hour, thei commanden certeyn thinges. And thei seyn, that tho thinges han dyverse significaciouns. And I asked hem prevyly, what tho thinges betokened.
Also men gon thorghe Ynde be many dyverse contrees, to the grete see occean. And aftre men fynden there an ile, that is clept Crues: and thidre comen marchantes of Venyse and Gene and of other marches, for to byen marchandyses.
And in another yle ben folk, that gon alle weyes upon here knees, ful merveylously; and at every pas that thei gon, it semethe that thei wolde falle: and thei han in every foot, 8 toes. Many other dyverse folk of dyverse nature ben there in other yles abouten, of the whiche it were to longe to telle: and therfore I passe over schortly.
This contree and lond of Jerusalem hathe ben in many dyverse naciounes hondes: and often therfore hathe the contree suffred meche tribulacioun, for the synne of the people, that duellen there.
In Ethiope alle the ryveres and alle the watres ben trouble, and thei ben somdelle salte, for the gret hete that is there. And the folk of that contree ben lyghtly dronken, and han but litille appetyt to mete: and thei han comounly the flux of the wombe: and thei lyven not longe. In Ethiope ben manye dyverse folk: and Ethiope is clept Cusis.
And for because that he multipliethe so the world with children, therfore God sendethe him so the fissches of dyverse kyndes, of alle that ben in the see, to taken at his wille, for him and alle his peple. And therfore alle the fissches of the see comen, to maken him homage, as the most noble and excellent kyng of the world, and that is best beloved with God, als thei seyn.
Word Of The Day