United States or New Caledonia ? Vote for the TOP Country of the Week !
The kyng of that yle is fulle riche and fulle myghty, and righte devout aftre his lawe: and he hathe abouten his nekke 360 perles oryent, gode and grete, and knotted, as Pater Nostres here of amber.
And in another yle ben folk, that han gret eres and longe, that hangen doun to here knees. And in another yle ben folk, that han hors feet; and thei ben stronge and myghty and swift renneres; for thei taken wyld bestes with rennyng, and eten hem.
And witethe wel, that the kyng of that yle is so myghty, that he hathe many tymes overcomen the grete Cane of Cathay in bataylle, that is the most gret emperour that is undre the firmament, outher bezonde the see or on this half.
But fast besyde that yle, for to passe be see, is a gret yle a gret contree, that men clepen Java: and it is nyghe 2000 myle in circuyt. And the kyng of that contree is a fulle gret lord and a ryche and a myghty, and hathe undre him 7 other kynges of 7 other yles abouten hym. This yle is fulle wel inhabyted, and fulle wel manned.
And there were in that tyme many gode holy men and holy heremytes; of whom the book of fadres lyfes spekethe: and thei ben now in Paynemes and Sarazines honds. But whan God alle myghty wole, righte als the londes weren lost thorghe synne of Cristene men, so schulle thei ben wonnen azen be Cristen men thorghe help of God.
And of that generacioun of Cham, ben comen the Paynemes, and dyverse folk, that ben in yles of the see, be alle Ynde. And for als moche as he was the moste myghty, and no man myghte withstonde him, he cleped himself the sone of God, and sovereyn of alle the world. And for this Cham, this emperour clepeth him Cham and sovereyn of all the world.
Theise 3 bretheren had cesoun in alle the lond: and this Cham, for his crueltee, toke the gretter and the beste partie, toward the est, that is clept Asye: and Sem toke Affryk: and Japhethe toke Europe. And therfore is alle the erthe departed in theise 3 parties, be theise 3 bretheren. Cham was the grettest, and the most myghty: and of him camen mo generaciouns, than of the othere.
Word Of The Day