United States or Barbados ? Vote for the TOP Country of the Week !
De meester: O Esmoreit, bi Apolijn, Dies es leden achtien jaer, Dat ic quam ghereden daer, Esmoreit, op die selve stede. Nu hoert, wat die keitijf dede: Daer soude hi u seker hebben versmoert, Hi sprac tot u soe felle woert, Dat ghi hem sijn rike sout ondergaen. Ghi moeste hem emmer iet bestaen, Dat hoerdic wel an sijn ghelaet.
Ghi soutten hebben doot ghesteken, En haddi mi niet hoeren spreken, Daer ic ten aenganghe quam ghereden. Ic en was nie soe wel te vreden, Als dat icken jeghen u cochte om gelt. Ic gaeft u al onghetelt In een foertsier, was yvorijn; Noch soude ment vinden in uwe scrijn: Daer willic onder setten mijn lijf. De jonghelinc: Ay mi, Robberecht, fel keitijf: Met rechte ic u wel haten mach.
Woord Van De Dag