And whan men speken to hem of the Incarnacioun, how that be the word of the angel, God sente his wysdom in to erthe, and enumbred him in the Virgyne Marie: and be the Woord of God, schulle the dede ben reysed, at the day of doom; thei seyn, that it is sothe, and that the Woord of God hathe gret strengthe. And thei seyn, that whoso knew not the Woord of God, he scholde not knowe God.

And anone the body of Saynte Denys reysed hymselfe up and bare his hede beetwene his armes, as the angels ladde hym two leghes fro the place which is sayd the hille of the martyrs unto the place where he now resteth by his election and the purveance of god. And there was heard so grete and swete a melodye of angels that many that herd it byleuyd in oure lorde."

Item, betwene the Mount Syon and the Temple of Salomon, is the place, where oure Lord reysed the mayden, in hire fadres hows. Undre the Mount Syon, toward the Vale of Josaphathe, is a welle, that is clept Natatorium Siloe; and there was oure Lord wasshen, aftre his bapteme: and there made oure Lord the blynd man to see. And there was y buryed Ysaye the prophete.

And in that hous, oure Lord forzaf Marie Magdaleyne hire synnes; there sche whassched his feet with hire teres, and wyped hem with hire heer. And there served seynt Martha, oure Lord. There oure Lord reysed Lazar fro dethe to lyve, that was ded 4 dayes and stank, that was brother to Marie Magdaleyne and to Martha. And there duelte also Marie Cleophe. That castelle is wel a myle long fro Jerusalem.

Also a myle from Mount Thabor, is the Mount Heremaon; and there was the cytee of Naym. Before the zate of that cytee, reysed oure Lord the wydewes sone, that had no mo children. Also 3 myle fro Nazarethe, is the Castelle Saffra; of the whiche, the sones of Zebedee and the sones of Alphee weren.

And there oure Lord forzaf the woman of Chananee hire synnes. And before Tyre was wont to be the ston, on the whiche oure Lord sat and prechede: and on that ston was founded the Chirche of Seynt Savyour. And there was wont for to dwelle Helye the prophete; and there reysed he Jonas the wydwes sone from dethe to lyf.