United States or Heard Island and McDonald Islands ? Vote for the TOP Country of the Week !
And in that hous, oure Lord forzaf Marie Magdaleyne hire synnes; there sche whassched his feet with hire teres, and wyped hem with hire heer. And there served seynt Martha, oure Lord. There oure Lord reysed Lazar fro dethe to lyve, that was ded 4 dayes and stank, that was brother to Marie Magdaleyne and to Martha. And there duelte also Marie Cleophe. That castelle is wel a myle long fro Jerusalem.
Also aftre the Mount of Olyvete, is the Mount of Galilee: there assembleden the apostles, whan Marie Magdaleyne cam, and tolde hem of Cristes uprisynge. And there, betwene the Mount Olyvete and the Mount Galilee, is a chirche, where the aungel seyde to our lady, of hire dethe.
And fro that hospitalle, to go toward the est, is a fulle fayr chirche, that is clept Nostre Dame la Graund. And than is there another chirche right nyghe, that is clept Nostre Dame la Latytne. And there weren Marie Cleophee and Marie Magdaleyne, and teren here heer, whan oure Lord was peyned in the cros. Of the Temple of oure Lord. Of the Crueltee of Kyng Heroud. Of the Mount Syon.
Word Of The Day