And thei suffre not the Latines to syngen at here awteres: and zif thei done, be ony aventure, anon thei wasschen the awteer with holy watre. And thei seyn, that there scholde be but o masse seyd at on awtier, upon o day. And thei seye also, that oure Lord ne eet nevere mete: but he made tokene etyng. And also thei seye, that wee synne dedly, in schavynge oure berdes.
And nyghe that awtier is a place undre erthe, 42 degrees of depnesse, where the holy croys was founden, be the wytt of Seynte Elyne, undir a roche, where the Jewes had hidde it.
And undir this grees is a chapelle; and in that chapelle syngen prestes, yndyenes; that is to seye, prestes of ynde; noght aftir oure lawe, but aftir here: and alle wey thei maken here sacrement of the awtier, seyenge, Pater noster, and othere preyeres there with: with the which preyeres, thei seye the wordes, that the sacrement is made of.
For whan ony schalle dye, the lyghte begynnethe to chaunge and to wexe dym. And zif he be chosen to ben prelate, and is not worthi, his lampe quenchethe anon. And other men han told me, that he that syngethe the masse for the prelate that is ded, he schalle fynde upon the awtier the name writen of him that schalle be prelate chosen.
And at Stragera lythe Aristotle; and there is an awtier upon his toumbe: and there maken men grete festes of hym every zeer, as thoughe he were a seynt. And at his awtier, thei holden here grete conseilles and here assembleez: and thei hopen, that thorghe inspiracioun of God and of him, thei schulle have the better conseille. In this contree ben righte hyghe hilles, toward the ende of Macedonye.
And there is the awtier, where oure Lady herde the aungelles synge messe. And there appered first oure Lord to his disciples, after his resurrexioun, the zates enclosed, and seyde to hem, Pax vobis: that is to seye, Pees to zou.
And sithe that foules, that han no kyndely wytt ne resoun, gon thidre to seche that gloriouse virgyne; wel more oughten men than to seche hire and to worschipen hire. Also behynde the awtier of that chirche is the place where Moyses saughe oure Lord God in a brennynge bussche.
Also in the myddel place of the vale of Josaphathe, is the chirche of oure lady: and it is of 43 degrees, undre the erthe, unto the sepulchre oure lady. And oure lady was of age, when sche dyed, 72 zeer. And beside the sepulchre of oure lady, is an awtier, where oure Lord forzaf seynt Petir all his synnes.
And 2 myle fro thens, is a faire chirche; where oure lady mette with Elizabethe, whan thei weren bothe with childe; and seynt John stered in his modres wombe, and made reverence to his Creatour, that he saughe not. And undre the awtier of that chirche, is the place where seynt John was born.