United States or Åland ? Vote for the TOP Country of the Week !
Aftre he commanded to the princypales of the 7 lynages, that every of hem scholde brynge his eldest sone before him, and with here owne handes smyten of here hedes, with outen taryenge. And anon his commandement was performed.
And the Jowes benethe, that holden to the Chyn, and a partie of the assches, and the platere, that the hed was leyd in, whan it was smyten of, is at Gene: and the Geneweyes maken of it gret feste; and so don the Sarazynes also. And sum men seyn; that the heed of seynt John is at Amyas, in Picardye: and other men seyn, that it is the heed of seynt John the Bysschop.
And by syde Rames, ys a fayre churche of oure Lady, whare oure Lord schewede hym to oure Lady, in thys lykenesse, that he tokeneth the Trynyte. And thare fast by, ys a churche of Seynt George, whare that hys heed was smyten of. And thanne un to the Castel Emaus; and thanne unto Mounte Joye: and from thenne, pylgrymes mowen fyrste se un to Jerusalem.
And summe ther ben, that gon on pilgrimage to this ydole, that beren knyfes in hire hondes, that ben made fulle kene and scharpe; and alle weyes, as thei gon, thei smyten hem self in here armes and in here legges and in here thyes, with many hydouse woundes; and so thei scheden here blood, for love of that ydole. And thei seyn that he is blessed and holy, that dyethe so for love of his God.
Word Of The Day