United States or Qatar ? Vote for the TOP Country of the Week !
U Lúm Sohpet Byneng. Mynhyndái mynba dang lung ka pyrthei ki ong ba ka byneng bad ka khyndew ki ia jan sbibún namar ba U Sohpet Byneng u ring ia ka byneng ba'n wan kham hajan. Une U Sohpet Byneng u long kum ka doh kaba snoh na u wei u lum uba hajan Sumer bad ka snoh ruh ia ka byneng.
Halor une u lúm don bún ki shnong hapoh u Siem Shillong. Mynhyndái halor une u lúm don kawei ka dieng kaba khráw shibúin eh haduh ba ka la kah dum ia ka pyrthei baroli kawei, ka kyrteng kata ka dieng ki khot ka Dingiei. Ki khún Khasi ki la ia kut jingmut ba lada yn ioh pynduh noh ia kane ka dieng ka'n bha ka'n shái ka pyrthei, namar katba ka dang ieng, ka pyrthei ka dum bad ka'm lah ban seisoh.
Mynhyndái, mynba dang lung ka pyrthei shibit, ki mrád ki mreng lái phew jaid ki ia suk ki ia lok para mrád, bad ki ju ia-die-ia-thied, ia tháw iew tháw hat ryngkat. Te ka iew kaba khráw tam eh kaba poi baroh ki lái phew mrád ba'n wallam la ki jingkhaii pateng ka long ka Iew "Luri-Lura" ba ri Bhoi. Ha kata ka iew u ksew u wan die 'tung rymbái, te ym man don ba pán thied satia ia kata ka ktung.
Hyndái mynba dang lung ka pyrthei la don ár ngut ki blei um kiba shong ha lúm Shillong. Lehse shisha ki long ki khún u blei Shillong. Kine ki la ia kop ba'n ia mareh ba'n ia pynpoi kloi sha ri madan Shilot da kaba ia pom mar kawei ka wah. Kumta ki la ia kut bad ki la ia mih na Shillong kawei ka Umngot bad kawei ka Umiew ne Umiám.
Word Of The Day