United States or Romania ? Vote for the TOP Country of the Week !
But the ordynance, ne the expenses in mete and drynk, ne the honestee ne the clennesse, is not so arrayed there, as it is here: for alle the comouns there eten withouten clothe upon here knees; and thei eten alle maner of flessche, and litylle of bred. And aftre mete, thei wypen here hondes upon here skyrtes: and thei eten not but ones a day.
But the estat of lordes is fulle gret and riche and noble. And alle be it, that sum men wil not trow me; but holden it for fable, to telle hem the noblesse of his persone and of his estate and of his court and of the gret multytude of folk, that he holt, natheles I schalle seye zou, a partye of him and of his folk, aftre that I have seen, the manere and the ordynance, fulle many a tyme.
But his sustre fulfilled not his wille: for als sone as he was ded, sche delyvered alle the lordes out of presoun, and lete hem gon, eche lord to his owne; and tolde hem alle the purpos of hire brothers ordynance: and so was this cursed kyng never made sorwe for, as he supposed for to have ben.
And there ben first ordeyned 4000 baronnes myghty and riche, for to gouerne and to make ordynance for the feste, and for to serve the emperour. And theise solempne festes ben made with outen, in hales and tentes made of clothes of gold and of tartaries, fulle nobely. And alle tho barouns han crounes of gold upon hire hedes, fulle noble and riche, fulle of precious stones and grete perles oryent.
Word Of The Day