Vietnam or Thailand ? Vote for the TOP Country of the Week !
Bijgewerkt: 4 juni 2025
Jaaije lusterde met de oogen en ooren, toe 'k van de hoesholdinge en de kinders van Hindriks zwaoger an de praot was en vertelde wa'k al zoo met de vrouw eköstert hadde. Hindrik had de mond lös en daor luep mangs een traon in. Dat stund mij an van Hindrik. Die niet van zien fermilie hold is mij weinig weerd. Geert kwamp in slaop met de allosiekette in de haand.
Jaaije maokte Geert wakker en bragt hum te bedde en hung 't allosie an een spieker boven de beddeplanke, dan kun ie 't smörgens vort zien. Dat had zien moeder met hum overlegd. Wij wassen nou alleen met oes beiden. »Berend! zee Jaaije hoe hei je 't maakt met Hindriks zwaoger en met zien vrouwe en de vief kinders?"
Wij zeen niks meer wij wassen te bliede um te praoten. Maor toe wij te bedde wassen en alles duuster was, zee Jaaije: »Berend, ai je in de December-maond nao 't Hoogeveene riedt, mus ie veur Hindriks zwaoger een mudde of viere eerpels metnemen en doen die op de trein, franko in hoes!" »En ook een schinke, vaoder!" ruep Geert, die niet sluep, maor met de allosiekette speulde.
Woord Van De Dag
Anderen Op Zoek