United States or Nauru ? Vote for the TOP Country of the Week !
And zif his wif have no child, thei brenne hire with him; and seyn, that it is resoun, that sche make him companye in that other world, as sche did in this. But and sche have children with him, thei leten hire lyve with hem, to brynge hem up, zif sche wole.
Thei bryngen before hem mete alle soden, als hoot as thei comen fro the fuyr, and thei leten the smoke gon up towardes the ydoles; and than thei seyn, that the ydoles han eten; and than the religious men eten the mete aftrewardes. In that contree been white hennes withouten fetheres: but thei beren white wolle, as scheep don here.
For zif the wormes of the erthe eten hem, the soule scholde suffre gret peyne, as thei seyn; and namely, whan the flesche is tendre and megre, thanne seyn here frendes, that thei don gret synne, to leten hem have so long langure, to suffre so moche peyne, with oute resoun.
In that contree and other contrees bezonde, thei han a custom, whan thei schulle usen werre, and whan men holden sege abbouten cytee or castelle, and thei with innen dur not senden out messagers with lettres, from lord to lord, for to aske sokour, thei maken here letters and bynden hem to the nekke of a colver, and leten the colver flee; and the colveren ben so taughte, that threi fleen with tho lettres to the verry place, that men wolde sende hem to.
Word Of The Day