And therfore seyn sum men, whan thei dreden hem of thefes, on ony weye, or of enemyes; Jesus autem transiens per medium illorum ibet; that is to seyne, Jesus forsothe passynge be the myddes of hem, he wente: in tokene and mynde, that oure Lord passed thorghe out the Jewes crueltee, and scaped safly fro hem: so surely mowe men passen the perile of thefes.
And upon that roche, was Jacob slepynge, when he saughe the aungeles gon up and doun, by a laddre, and he seyd, Vere locus isse sanctus est, et ego ignorabam; that is to seyne, Forsothe this place is holy, and I wiste it nought. And there an aungel helde Jacob stille, and turned his name, and cleped him Israel.
Here is a specimen from Wycliffe's Gospels: In thilke dayes came Joon Baptist prechynge in the desert of Jude, saying, Do ye penaunce: for the kyngdom of heuens shall neigh. Forsothe this is he of whom it is said by Ysaye the prophete, A voice of a cryinge in desert, make ye redy the wayes of the Lord, make ye rightful the pathes of hym.