United States or Northern Mariana Islands ? Vote for the TOP Country of the Week !


Svmme praepotens Deus, immensae huius totius nostri mundi molis fabricator et Rector, qui solus perscrutaris intimos cordis nostri sensus, et ad fundum vsque nostrarum cogitationem explorando penetras, ac in eis, quid vere, et ex ammo cogitemus, et quae sint actionum nostrarum rationes, ac fundamenta, cognoscis: Tu, qui ea, quae in te est, ab omni aeternitate praescientia, vides, quod nec aliqua viciscendi malitiosa cupiditas, nec iniuriarum referendarum desiderium, nec sanguinis effundendi sitis, nec alicuius lucri, quaestusue auiditas ad istam classem praeparandam, et emittendam nos commouerit: sed potius, quod prouida quaedam cura, solersque vigilantia huc nos impulerit: ne vel inimicorum nostrorum neglectus, vel status nostri firmitaris nimium secura cogitatio, aut illis gloriam et honorem, aut nobis damnum et periculum pariat: Cum, inquam, haec sint nostri, quicquid attentatur, negotii fundamenta: cumque tu hunc nobis animum, mentemque inieceris, vt istud aggrederemur: curuatis genibus a te humillime petimus, vt velis hoc nostrum incoeptum secundissime fortunare, totum iter prosperrimis flatibus dirigere, celerem et expeditiam victoriam nobis concedere, reditumque talem nostris militibus elargiri, qualis et nomini tuo incrementum gloriae, et illis famae, laudisque triumphum, et Regno nostro firmam tranquillitatem possit apportare: idque cum minimo Anglorum sanguinis dispendio.