United States or Vatican City ? Vote for the TOP Country of the Week !
For no man may passe be that weye godely, but in time of wyntir, for the perilous watres, and wykkede mareyes that ben in tho contrees; that no man may passe, but zif it be strong frost, and snowe aboven. For zif the snow ne were, men myght not gon upon the yse, ne hors ne carre nouther. And it is wel a 3 journeys of suche weye, to passe from Prusse to the lond of Sarazin habitable.
And the Alkaron seythe also of the day of doom, how God schal come to deme alle maner of folk; and the gode he schalle drawen on his syde, and putte hem into blisse; and the wykkede he schal condempne to the peynes of helle.
And thei that scholden ben converted to Crist and to the lawe of Jhesu, be oure gode ensamples and be oure acceptable lif to God, and so converted to the lawe of Jhesu Crist, ben thorghe oure wykkednesse and evylle lyvynge, fer fro us and straungeres fro the holy and verry beleeve, schulle thus appelen us and holden us for wykkede lyveres and cursed. And treuly thei sey sothe.
Word Of The Day