Vietnam or Thailand ? Vote for the TOP Country of the Week !
Na-update: Mayo 25, 2025
Hanggang libingan naman! Hindi ka kaya makalimot? Habang tumitibok ang puso ko. Saksi nila ang mabituing langit. Ang liwanag ng buwan ay parang nalulugod na bumabati sa kanilang pagkamapalad. Ang simoy ng hangin ay parang nagbabalita sa madla ng pagkamapalad ng dalawang puso: ni Eduardo at ni Leoning.
Kay pakla at ngayon ay si Leoning ay kasal na, samantalang sa kabilang dako ay naiwanan si Eduardong nangungulila at walang naging palad kundi ang makaulayaw ay mga madlang dalamhati ng puso, ang kanyang pusong waring isang libingan na lamang ang siyang tanging pagasa at hahantungan.
Eduardo, hindi..... Leoning, tapatin mo sana ang puso ko. Eduardo, hindi nga kita nililimot, mahal ka sa puso ko na waring ang damdamin ni Leoning ay pinagpupuyusan ng lungkot. Leoning, maliwanag ang pagiisip ko, hwag ka sanang magsinungaling. Eduardo, hanggang libingan, hindi magbabago ang dati kong pagmamahal sa iyo. Leoning, tapatin mo nga sana ako, kausap mo yaring puso.
Bakit ngayon ay naglahong lahat? Hanggang libingan.... Hanggang hukay! Oh! ang mga iyan ay naglaho ng lahat! Kabulaanang lahat! Kasinungalingang lahat! Oh! ang lahat ay wala, parang bula lamang sa gitna ng tubig na biglang nawala! Wala ng lahat, paraparang nabaon sa limot, sa ulap, sa wala.
Salita Ng Araw
Ang iba ay Naghahanap