Vietnam or Thailand ? Vote for the TOP Country of the Week !
Mis à jour: 31 mai 2025
Ne me soyes point de dure maniere Ne resister a ma simple priere Vueilles aussi en ma necessité Esperance j'ay en toy singuliere Fay donc cella qu'il fault que je requiere Pouoir en as et seulle auctorité Tu le me peulz doulcement accorder Pas grans choses ne te vien demander Sed fac quod posco non ego magna peto Dixi non magna misero michi magna videntur.
Mais vieillesse ne peult mentir Ne mesconter a son pouoir Nature ne peult reverdir Tel meshain ne se peult guerir La ne vault charme ne savoir Et si n'est riens plus lait a veoir Que l'yssue de telz mysteres A remplir tous les cymiteres
Ce lieu fut ung cloistre longuet Paré d'estranges pourtraictures Or pensez se je fis bon guet Pour sçavoir de ce lieu que c'est Et mieulx congnoistre les figures Entendement fist ces droictures Et me dist entens et appliques Et tu congnoistras mes reliques Comment l'hermite entendement monstre ses reliques a l'acteur. Et luy devise des oeuvres de messire accidant & de son pouoir.
Mon cheval qu'on nomme vouloir Tiroit en ce lieu tant au frain Que je n'euz de tenir pouoir Que subit ne fusse pour voir Droit au milieu de beau plain La subit je voys tout plain Ung chevallier qui m'attendoit Et que combatre me failloit
Tu ne te dois point abuser A faire ces vaines doubtances Car je congnois pour excuser Faiz d'amours et jeunes enfances Tu sçaiz que j'ay les congnoissances Et si ont celles de mon aage De venus sçavoir son usaige Ses ars meurs et conditions Pourtant oste suspections Et te confie seullement En nostre engin croy fermement Que ce sera chose cellee Et gouvernee saigement Sans pouoir estre revellee.
Lors me rendiz rescoux ou non A aage par son grant vouloir Et luy promys foy & prison Asseurant de payer rançon De son desir a mon pouoir Doulcement me voult recevoir En prenant mon gantellet dextre Comme mon vaincueur & mon maistre
De ce coup le duc se deffit Monstrant chevalleureux devoir Son gect met avant & partist Si bien que peu qu'il ne deffist Debile qui monstroit pouoir Lors chascun se fist bien valoir Chascun vouloit estre vaincueur De la bataille & de l'honneur
Il tenoit en sa dextre main Une lance de bon advis En l'autre je veiz tout aplain Ung tergon tout paré & plain De loz de pouoir & d'amis Et pour le tout estre au vray mys Sa hache fut de fermeté Contre l'assault d'adversité
Quant accident veit sa partie En telle beaulté & valeur S'il eut peur je n'en doubte mye Doubtant son emprinse faillye Et qu'il n'en saillist a honneur Je veit grant pouoir & hault cueur En vingtz & quattre ans seullement Cela l'esbahit durement
Mon cheval s'appelloit vouloir Et mon harnois je fis tremper D'eaue qu'on appelle pouoir Mon escu fut de bon espoir Au moins pour longuement durer Mon glaive fut de avanturer Fait par ung merveilleux ouvraige Et mon espee de couraige
Mot du Jour
D'autres à la Recherche