Vietnam or Thailand ? Vote for the TOP Country of the Week !
Mis à jour: 24 juillet 2025
Ainsy marcherent fermement L'un sur l'autre les dessusditz Debile tout premierement Gettant son dard griefvement Et cuida avoir tout conquis Mais le duc qui estoit apris Comme ung asseuré champion Receut le coup a son tergon
Il tenoit en sa dextre main Une lance de bon advis En l'autre je veiz tout aplain Ung tergon tout paré & plain De loz de pouoir & d'amis Et pour le tout estre au vray mys Sa hache fut de fermeté Contre l'assault d'adversité
Ung gavelot eut pour getter Qui se nommoit plaisant racueil Et le tergon pour soy garder S'appelloit loyaument aymer Sans changer ne de cueur ne dueil Et puis que oublier je ne vueil Sa cotte d'armes j'apperceuz Plaine de cent mille vertus
La damoiselle qui survint Ce fut reliques de jeunesse Qui resceut des cops plus de vingt Sur ung grant tergon qu'elle tint Par sa bonté & gentillesse Tant exploicta que fut maistresse au tournay que je vous veulx dire Ou je congnuz avoir du pire
Mot du Jour
D'autres à la Recherche