Vietnam or Thailand ? Vote for the TOP Country of the Week !
Mis à jour: 19 juin 2025
Quant accident veit sa partie En telle beaulté & valeur S'il eut peur je n'en doubte mye Doubtant son emprinse faillye Et qu'il n'en saillist a honneur Je veit grant pouoir & hault cueur En vingtz & quattre ans seullement Cela l'esbahit durement
La chevalerie ne desprise Ton nom ton cas & ton emprinse Riens ne voult que l'on se desguise Je voy & sçay tout que je y vise J'ay par memoire lotz en marche Ou que l'on tire ne ou que l'on marche Ou fortune douleur & raige Ont entreprins de faire raige
Je t'ay declairé ton affaire Ton nom ton vouloir & ton cas Riens ny vault fouyr ne retraire Il te fault ton emprinse faire Va te presenter a ce pas Assez d'honneur tu conquerras Et feras oultrageusement Se tu vainq messire accidant
Sa lance fut de haulte emprinse Grant cueur luy donna son espee Le forgeur s'appelloit maistrise Sa dague se nommoit franchise Pour estre vaincueur de l'armee Quant j'euz sa façon regardee Vice je n'y peuz parcevoir Fors seullement de trop vouloir
Mot du Jour
D'autres à la Recherche