Vietnam or Thailand ? Vote for the TOP Country of the Week !
Mis à jour: 11 mai 2025
Voyez la l'aneau envenimé Ou print hanibal de cartaige Le fort venim dessaisonné Dont mesmes c'est emprisonné Avant qu'il eust tiers ne quart aage Accidant mesla ce bruvaige Dont mourut l'un des vaillans princes Qui oncques gouvernast provinces
De cest arc & traict bien aguz Fut occis & mys a la mort Achilles par ung grant mesuz Au devot temple de venus Par paris qui fist cest effort Accidant y besongna fort Et fist finer par sa rudesse Le plus vaillant qui fust de grece
Voyez sy le soc d'une charue Dont accidant abel occist Par cayn tout de sa main nue Et par une envie advenue Celluy premier la terre ouvrit Dont il fist mal & si meffist Car il meurdrit chacun le juge L'un des bons avant le deluge
Ce lieu fut ung cloistre longuet Paré d'estranges pourtraictures Or pensez se je fis bon guet Pour sçavoir de ce lieu que c'est Et mieulx congnoistre les figures Entendement fist ces droictures Et me dist entens et appliques Et tu congnoistras mes reliques Comment l'hermite entendement monstre ses reliques a l'acteur. Et luy devise des oeuvres de messire accidant & de son pouoir.
En cest estuy trouverez mys Les greffez de quoy fut tué Cesar par esperés amys Qui l'ont en leur senat occis: Par marveilleuse cruaulté Accidant a ce coup heurté Ces choses si nous sont certaines Selon les hystoires rommaines
Scez tu pas bien que le herault T'a pieça noncé leurs chapitres Tu scez que poyse & que vault Accidant t'a livré l'assault Tu as ouy de ses epistres Il est temps que tu te chapitres Car tu as touché a l'emprise Depuis ta primiere chemise
Ce pillier d'extre grosseur Est celluy que sanson ploya Dont il abatist par virgueur Le grant palays & sa haulteur Pour sa femme qu'on maria Il s'occist et moult en tua Ce fut accidant le terrible prouvé au teste de la bible
Ceste bouette te veulx monstrer Sans y advenir ou toucher Antipater la fist ouvrer A tenir poisons & porter Pour alixandre despeschier Accidant ouvra du mestier Et fut mort et empoisonné Du monde le plus ronommé
Dois je oublyer ou que soye Ce traicté qui tant point & mort Que fist ayme de montgesoye Plus riche que d'or ne de soye Au merveilleux pas de la mort Sçavoir fault qui est le plus fort De toy/ accidant ou debile Chacun d'eulx en a tué mille
Voyez cy chemise enfumee Dont dyamus si n'en peult mais Cuydant aymer & estre aymee Occist & brusla en la pree Le preux & vaillant hercules Accidant fist ses entremetz Lyre le pourrez en mains lieux En la nativité des dieux
Mot du Jour
D'autres à la Recherche