Vietnam or Thailand ? Vote for the TOP Country of the Week !
Mis à jour: 11 mai 2025
Je t'ay declairé ton affaire Ton nom ton vouloir & ton cas Riens ny vault fouyr ne retraire Il te fault ton emprinse faire Va te presenter a ce pas Assez d'honneur tu conquerras Et feras oultrageusement Se tu vainq messire accidant
Celle espee qui la fait giste C'est celle dont mourut pompee Par le desloyal roy d'egypte Qui l'occist en lieu de merite Et luy a la teste couppee Accidant fut a celle armee Qui desfist le pillier & l'homme Soustenant du pillier de romme
Messire accidant le terrible Fournit les jeunes & les fors Et debile le treshorrible Met a fin par coups invisibles Ceulx dont la vigueur en est hors Ilz font du cueur tous effors Leurs meurtres sont si a doubter Que nul ne les peut eschapper
Voyes aprés le glaive tresfort Dont le roy marc de cornouaille Navra lachement a la mort Tristan dont il eut villain tort Et fut deshonneste bataille Accidant ne fist pas la faille D'occire l'ystoire le fonde L'un des bons chevalliers du monde
Accidant est tousjours surbout Tout prest a cheval & armé Pour tuer & affoler tout Et debile tient l'autre bout Cruel sans mercy ne pitié Mais pour ung qui aura passé La ou debile prent sa rente Accidant en a tué trente
Et affin que soyes plus digne De soustenir ceste adventure Toy donner ung dun je m'encline D'un glaive frere de regime En lieu de la lance rompue De ce pousse fier frappe & rue Car par ce tu rebouteras Accidant la ou tu vouldras
Comme dis si n'estes vous pas Debile ou messire accidant Qui tiennent d'attroppos le pas Quant je vous vis venir le pas Je le cuiday appartement Il dit que non certainement Mais qu'il estoit de leur mesgnie Premier percecuteur de vie
Mot du Jour
D'autres à la Recherche