United States or Sudan ? Vote for the TOP Country of the Week !
And also ther ben men y nowe, that han no beleve in hem. And sithe that Cristene men han suche beleeve, that ben enformed and taughte alle day, be holy doctryne, where inne thei schold beleeve, it is no marvaylle thanne, that the Paynemes, that han no gode doctryne, but only of here nature, beleeven more largely, for here symplenesse.
In that lond men worschipen the ox, for his symplenesse and for his mekenesse, and for the profite that comethe of him. And thei seyn, that he is the holyest best in erthe. For hem semethe, that whoso evere be meke and paycyent, he is holy and profitable: for thanne thei seyn, he hathe alle vertues in him. Thei maken the ox to laboure 6 zeer or 7, and than thei ete him.
Also it befallethe sumtyme, that Cristene men becomen Sarazines, outher for povertee, or for symplenesse, or else for here owne wykkednesse. And therfore the archiflamyn or the flamyn, as oure erchebisshop or bisshopp, whan he receyvethe hem, seythe thus, La ellec, Sila. Machomete rores alla; that is to seye, There is no God but on, and Machomete his messager.
Word Of The Day