Vietnam or Thailand ? Vote for the TOP Country of the Week !
Updated: September 19, 2024
And among theise othere, there is a gret ymage, more than ony of the othere, that is alle covered with fyn gold and precyous stones and riche perles: and that ydole is the god of false Cristene, that han reneyed hire feythe. And it syttethe in a chayere of gold, fulle nobely arrayed; and he hathe aboute his necke large gyrdles, wroughte of gold and precyous stones and perles.
And aftre, at the right syde of the Emperour, first syttethe his eldest sone, that schalle regne aftre him: and he syttethe also o degree lowere than the emperour, in suche manere of seges, as don the emperesses. And aftre him, sytten other grete lordes of his lynage, every of hem a Degree lowere than other, as thei ben of estate.
And first, at the chief of the halle, is the emperours throne, fulle highe, where he syttethe at the mete: and that is of fyn precyouse stones, bordured alle aboute with pured gold and precyous stones and grete perles. And the grees, that he gothe up to the table, ben of precyous stones, medled with gold.
Word Of The Day
Others Looking