Vietnam or Thailand ? Vote for the TOP Country of the Week !
Mis à jour: 21 juillet 2025
Mais pourtant belle qu'il me semble Que voycy lieu assez decent Que nous pouons parler ensemble Se vostre plaisir se y consent Car le monde est de nous absent Oultre je ne desire point Rien dire qui soit indecent Et qui blasme touche ung seul point Demus et inde fidem fieri sic postea dicam Primitus incepi/ primitus inde loquar
Maintenant que feray je doncques Plus d'esperance n'ay en elle Plus esbahy que ne fuz oncques Je suis: pour neant je l'appelle Aler me fault parler a celle Pour qui ceste douleur me tient Helas la gracieuse et belle Voycy ou vers moy elle vient
Qu'elle est belle beau sire dieu Doulce gracieuse et honneste La voycy venir en ce lieu En beaux cheveulx toute nue teste Quel lieu pour faire ma requeste Luy seroit maintenant propice Qui de faire estoit toute preste Je ne sçay ou faire la puisse Sed subito quanti michi nunc venere timores Nec mea mens mecum nec mea verba manent
Voycy venus la joyeuse deesse Qui nous contraint comme dame et princesse Des amoureux a ses joyes mener D'elle aussi nous adresser Ensemble aler en amoureuse adresse Qui noz deux cueurs en ung assemble et dresse Ainsi que amours se sçaivent ordonner A noz douleurs nous devons pardonner Et le salut l'ung a l'aultre donner Puis que venus la plus saige des saiges Nous desire par contrainte mener Et compeller a suivre ses usaiges
Me mea cura tenet nunc dic cito dicere quid vis Me tecum longuas non licet ire vias Maintenant la cure de moy Me tient mais sans plus differer S'il y a quelque chose en toy Dy le moy sans plus souspirer Longuement ne puis demourer Icy avec toy la saison Voycy qu'il me fault retirer Et retourner a la maison Pamphille
Mot du Jour
D'autres à la Recherche