United States or Malawi ? Vote for the TOP Country of the Week !
Yet is thare a way, alle by lande, un to Jerusalem, and pass noon see; that ys from Fraunce or Flaundres; but that way ys fulle lange and perylous, of grete travayle; and thare fore fewe goon that ylke way. And who so gooth that, he mote goon thorewe Almayn and Pruys; and so un to Tartarye. This Tartarye ys holden of the great Chan, of whom y schal speke more afterwarde.
And whanne that a man ys oute of that ylke hylles, men passen thenne thorewe a cytee, that ys called Maryoche and Arteyse, whare that ys a grete brygge upon a ryvere of Ferne, that men clepen Fassar: and hyt ys a grete ryvere, berynge schyppes. And by syde the cytee of Damas, ys a ryvere that cometh from the mounteyne of Lybane, that men hyt callen Albane.
Word Of The Day