United States or Christmas Island ? Vote for the TOP Country of the Week !
Kumta ki la ia ieng da kawei ka jingmut ba'n ia khet noh ia ka. Te ynda ki la pom ia ka mynsngí, ki leit pat mynstep ki shem ba la dam noh ka díen pom. Kumta ki pom biang sa ha kawei ka sngi, ynda lashái mynstep ka dam-pa-dam biang. Shu kumta barabor ka long. Hangta ki la lyngngoh, hato balei ka long kumne.
U Siem Synteng u la pom ia u tukra-tukra, u la bred ia ki kyjat ki kti sha jingngai, bad u la tharai ba u'n ym im shuh, pynban tang la mynstep u la im hi kumjuh, u la iaid ia ki lad ki dong ban sywait ia ki nongshun. U Siem Synteng u la shitom shibun ia u bad u la duh buit ruh da kumno yn leh ba'n jop ia u, haba shi sin ar sin la pyniap u shu im pat kumjuh pakumjuh.
Kumta ynda la-shái mynstep u la leit kái pat sha lum, te haba u la wan noh la jan miet u la shem ia ka iing jong u ba la sár la sumar bad ka ja ba la ih. Mynkata u la lyngngeh shibán ba ka long kumne. Te kum la-shái ka la long kumjuh. Ynda ka shu dem iailong kumne-pa-kumne la bán sín eh, ynda kumta u la leh ia lade kum u ban sa leit lúm, u da ting ia u ksew.
Word Of The Day