United States or Georgia ? Vote for the TOP Country of the Week !
And whan the philosophres han don and perfourmed here commandementes, thanne the mynstralle begynnen to don here mynstralcye, everyche in hire instrumentes, eche aftre other, with alle the melodye that thei can devyse. And whan thei han don a gode while, on of the officers of the emperour gothe up on an highe stage wroughte fulle curyously, and cryethe and seythe with lowde voys, Makethe pees.
And than begynnen the mynstrelle to maken hire mynstralcye, in dyverse instrumentes, with alle the melodye that thei can devyse. And whan thei han don hire craft, than thei bryngen before the emperour, lyouns, libardes and other dyverse bestes; and egles and veutours, and other dyverse foules; and fissches, and serpentes; for to don him reverence.
Word Of The Day