United States or Guernsey ? Vote for the TOP Country of the Week !
And undre the mountour, ben condytes of beverage, that thei drynken in the emperours court. And besyde the condytes, ben many vesselles of gold, be the whiche, thei that ben of houshold, drynken at the condyt. And the halle of the palays is fulle nobelyche arrayed, and fulle merveylleousely atyred on all parteys, in alle thinges, that men apparayle with ony halle.
And he hathe as many paramours, as hym lykethe. For he makethe to come before him, the fairest and the nobleste of birthe and the gentylleste damyseles of his contree, and he maketh hem to ben kept and served fulle honourabely, and whan he wole have on to lye withe him, he makethe hem alle to come before him; and he beholdethe in alle, whiche of hem is most to his plesance, and to hire anon he sendethe or castethe a ryng fro his fyngre: And thanne anon sche schalle ben bathed and richely atyred, and anoynted with delicat thinges of swete smelle, and than lad to the Soudanes chambre.
Word Of The Day