couraige

Mis à jour: 26 juin 2025

Comme gallathee dit a la vieille que tant l'a temptee qu'elle fait doubte de luy reveller son couraige et dire comme elle est prinse de l'amour de pamphille

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle

Gallathee pucelle delectable Honnourable Responce tu ne me rens Disant ainsi que sans tes bons parens Vraiz conducteurs et amis apparens De ton voulloir a nul ne es mariable Mais sans fable C'est chose veritable Quelques parens que tu diez avoir Convenable est et facille a sçavoir Qu'il esconvient que ta torche et lumiere En fait d'amours procede la premiere Pour acquerir de eulx le consentement Par quoy tu peulz monstrer aucunement Pamphille de bien aymer couraige En attendant cestuy appointement A celle fin au moins que seullement Signe d'amour son ardeur assouaige

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle

Comment voy je les Anglois esbahys, Resjoys toy, franc royaume de France, On apparcoit que de Dieu sont hays; Puis qu'ilz n'ont plus couraige ne puissance; Bien pensoient, par leur oultrecuidance, Toy surmonter, et tenir en servaige; Et ont tenu

Charles d'Orléans - Poésies de Charles d'Orléans

Entendre te fault & savoir Que qui combat de bon couraige Il a faculté & pouoir D'estre a pié ou cheval avoir Chascun selon son avantaige Mais pour commun droit & usaige Combatre a pié est plus honneste Que soy fier en une beste

Olivier de La Marche - Le chevalier délibéré

Atque loqui nostris cepimus inde jocis. Jamais jour ne me apperceu Que pamphille eu le couraige De soy marier mais conceu J'ay apar moy ce mariage Puis quant j'ay veu ton personnaige Et que la chose vient a lieu J'en ay commencé le langaige Mais tout cela ce n'est que jeu Sed si rebus in hiis mea mens animus que movetur Si placet an potius desplicet inde loqui.

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle

Les haultz princes ont a pié et cheval Servi amours et tenu leur querelle Joustes faisant par tout amont aval Tournes plaisans a la mode nouvelle Mais pamphille par une maquerelle L'assault gaigna: sans frapper a oultrance Sans se tuer et sans rompre la lance Galathee sumist en son servaige Et si monstra que venus par puissance Luy secourut et qu'en telle aliance Siege d'amour gist en noble couraige

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle