Vietnam or Thailand ? Vote for the TOP Country of the Week !
Mis à jour: 21 juin 2025
Les meilliers on les ente en aultres melliers & coingniers & aubepin/ & y proffitent bien j'en enté quelque foys ung en ung saulvaigeau de perier & y print/ assez bien porta fruict: mais n'y dura gueres longuement: je croy bien que ce fut a cause que la greffe du meslier n'estoit pas suffisante pour tirer assez la seve du perier.
Quant voz greffes seront bien adjoutees dedans le saulvaigeau: tirez vostre coing tout bellement/ & ne deplacez voz greffes vous y pourrez laisser en la fente ung petit bout de coing de boys verd/ & le couppez bien rez sur le troncq.
Aussi se fault bien donner de garde quant les saulvaigeaulx sont tortuz que l'on y adjouste bien la greffe/ & y remediez en la taillant que ilz puissent bien venir & joindre ensemble/ & aulx plus gros saulvaigeaulx fault bailler les plus grosses greffes. Et d'aultant que le saulvaigeau est plus menu/ d'aultant le fault il coupper plus bas. S'il est de la grosseur d'ung doy ou environ.
Car aussi bien pourroyent prendre les greffes/ voz y remettrez au boys franc que vous en couppez comme plus bas dedans le saulvaigeau. Mais qu'il fust bien reclos sur le boys du saulvageau de la premiere foys qu'il avoit esté enté. Au commencement que voz enteures seront entees/ ne vous hastez mye d'en arracher les cyons qui sortent du boys du saulvaigeau.
Et quant le saulvaigeau est gros comme le bras siez aussi rond a deulx ou trois piedz ou environ hault de terre pour le fendre & y mettre troys greffes deux en fente & l'aultre entre l'escorse & le boys du cousté qu'il sera le plus espacieulx.
Et fault que voz sauvageaulx soyent bien prins avant que les oster & ne vous abusez pas a ceulx qui les entent en les plantant. Car ilz ne prouffitent pas si bien/ car le saulvaigeau qui n'a pas de la substance pour luy/ n'en peult donner a la greffe & ainsi se cuidant avancer on se retarde.
Et sur toutes choses fault bien considerer que les deulx seves/ & entredeulx de la greffe & du saulvaigeau soyent tresbien au droit l'ung de l'aultre/ car il fault entendre que si elles ne s'entre treuvent jamais ne prendront ensemble car aultre chose ne les contrainct/ fors les seves qui s'entre rencontrent.
Aussi fault bien prendre garde que les greffes soyent bien assises & joinctes sur le troncq & que l'incision qui est en la fente joingne bien en ycelle d'ung costé & d'aultre non pas que je vueille dire qu'il soit besoing qu'elles joignent par tous endroictz/ car pour y avoir quelque peu de tasche/ cela ne les garde pas de prendre/ mais aulcunesfoys y pourroit servir/ car la seve de la greffe & du saulvaigeau s'en pourroient beaucoup mieulx contraindre l'une avecques l'aultre.
Mais si l'arbre avoit esté entee grosse de plusieurs greffes il luy en fauldroit laisser plus largement selon qu'on verroit estre besoing: pour bien recouvrir les fentes & coupeures du saulvaigeau.
Item il faict bon enter incontinent aprés que la lune est nouvelle ou deulx ou troys jours aprés/ car autant de jours que demourez a enter aprés la nouvelle lune l'arbre mettra autant de temps a porter son fruict. Plantez le jour du croissent le saulvaigeau/ l'endemain/ ou le troysiesme jour. Item quant on plante: & aussi quant on ente/ il faict bon dire ce qui s'ensuyt.
Mot du Jour
D'autres à la Recherche