Vietnam or Thailand ? Vote for the TOP Country of the Week !
Mis à jour: 26 mai 2025
Il le fault couper a ung ou a demy pied de terre en bihays a pied de chevre/ pour le fendre & mettre tant seullement une greffe. Et si le saulvaigeau est fort gros comme ung bon baston. Couppez le troncq tout rond par le hault a ung pied ou environ bien pres de terre pour y mettre deulx bonnes ou greffe en la fente.
Quant voz greffes seront bien adjoutees dedans le saulvaigeau: tirez vostre coing tout bellement/ & ne deplacez voz greffes vous y pourrez laisser en la fente ung petit bout de coing de boys verd/ & le couppez bien rez sur le troncq.
Quant vous vouldrez enter arbres grosses comme la cuisse ou plus grosses mieulx vault les enter en branches que ou troncq car il seroit pourry avant que les greffes le peussent recloure sur la couppeure.
Aussi fault bien prendre garde que les greffes soyent bien assises & joinctes sur le troncq & que l'incision qui est en la fente joingne bien en ycelle d'ung costé & d'aultre non pas que je vueille dire qu'il soit besoing qu'elles joignent par tous endroictz/ car pour y avoir quelque peu de tasche/ cela ne les garde pas de prendre/ mais aulcunesfoys y pourroit servir/ car la seve de la greffe & du saulvaigeau s'en pourroient beaucoup mieulx contraindre l'une avecques l'aultre.
Mais gardez en les lyant que la torqueure ne vire d'ung costé ne d'aultre/ mais demeure bien ferme ladicte terre forte joincte avecques le troncq du saulvaigeau au dedans de la torqueure/ & pource fault il que celle terre soyt bien moderee en bonne sorte. Et le mieulx est/ que ne la poignassez point entre les mains/ mais l'employez ainsi qu'elle vient de la fosse.
Et la y provignerez tellement que la Troncqueure/ par ou elle a esté entee en soit ung peu bas que les racines/ & que les cyons du boys nouveau sortent hors de telle haulteur comme faire se pourra. Et se l'arbre que voullez provigner/ estoyt ung peu grossette/ & qu'elle fust trop rebelle a coucher en la fosse/ vous en pourrez bien inciser le troncq/ presque demy entre les racines.
Mot du Jour
D'autres à la Recherche