United States or Saint Martin ? Vote for the TOP Country of the Week !
Mais gardez en les lyant que la torqueure ne vire d'ung costé ne d'aultre/ mais demeure bien ferme ladicte terre forte joincte avecques le troncq du saulvaigeau au dedans de la torqueure/ & pource fault il que celle terre soyt bien moderee en bonne sorte. Et le mieulx est/ que ne la poignassez point entre les mains/ mais l'employez ainsi qu'elle vient de la fosse.
Et commencez a lyer vostre escusson le premier tout par derriere au meillieu de l'incision: & venir joindre devant avec le chanvre soubz l'oeillet & queue de l'escusson par bien pres sans couvrir ledit oeillet/ & puis retourner encores lyant au derriere de l'arbre & ramenez joindre devant par dessus le hault de l'escusson en croisant tousjours vostre chanvre pour retourner encores bien derriere pour achever de lyer au dessoubz de l'oeillet de l'escusson tant que toute la fente l'incision soit couverte hault & bas avecques ledict chanvre/ exceptez l'oeillet & sa queue qu'i ne fault point couvrir/ laquelle queue cherra toute a par elle bien tost aprés si l'escusson doit prendre.
Mot du Jour
D'autres à la Recherche